Qazaqstan byltyr ýran saýdasynan qansha tabys tapty

ASTANA. QazAqparat – BAQ ókilderiniń qatysýymen ótken brıfıngide «Qazatomónerkásip» UAK» AQ basqarma tóraǵasy Erjan Muqanov byltyr kompanııa ýran saýdasynan qansha tabys tapqanyn aıtty, dep habarlaıdy QazAqparat tilshisi.

«Ótken jyldyń qorytyndysy boıynsha kompanııanyń shoǵyrlandyrylǵan kirisi alǵash ret 1 trln teńgeni qurap, 2021 jylmen salystyrǵanda 45% ósti. Operatsııalyq paıda 456 mlrd teńgege jetip, 2021 jylmen salystyrǵanda 91% ulǵaıdy. Bul ónim satýdyń ortasha baǵasynyń ósýimen baılanysty boldy. Al kompanııanyń taza paıdasy – 473 mlrd teńge. Bul aldynǵy jyldaǵy kórsetkishten 115% kóp», - dep kompanııanyń esebin jarııalady Erjan Muqanov.

Sonymen qatar ol keler jyldyń ortasynda Túrkistan oblysynda kúkirt qyshqyly zaýytynyń qurylysy bastalatynyn málim etti.

Buǵan qosa, ótken jyly elimizde ýran óndirisi 3% tómendegeni, byltyr Qazaqstan Qytaıǵa 30 tonnadan astam tómen baıytylǵan ýran eksporttaǵany aıtyldy.