Qazaqstan byltyr 55,2 mlrd tekshe metr gaz óndirdi

NUR-SULTAN. QazAqparat – Qazaqstan ótken jyly 55,2 mlrd tekshe metr gaz óndirdi. Bul týraly Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

2020 jyldyń qorytyndysynda 55,2 mlrd tekshe metr kóleminde gaz óndirildi. Bul esepti kezeńniń josparymen salystyrǵanda 100 paıyzdy qurady. Taýarlyq gazdy ishki tutyný kólemi 17,2 mlrd tekshe metrge jetti. Osy kórsetkish ótken jyldyń 12 aıynyń josparynyń 104,2 paıyzyna teń», - dedi Nurlan Noǵaev.

Onyń aıtýynsha, suıytylǵan munaı gazyn óndirý kólemi 3,2 mln tonna boldy. Bul ótken jyldyń josparymen salystyrǵanda 100 paıyzdy quraıdy.

«Eksportqa shyǵarylǵan gaz kólemi 10,7 mlrd tekshe metrdi qurap, bul 2020 jyldyń josparymen salystyrǵanda 102 paıyz boldy», - dedi mınıstr.