Qazaqstan byltyr 2 mlrd 9 mln. kVt/saǵat eksporttady
ASTANA. QazAqparat - Byltyr Qazaqstanǵa elektr energııasynyń ımporty 644 mln. kVt/saǵat, al eksport 2 mlrd 9 mln kVt/saǵatty qurady. Bul týraly búgin Májiliste ótip jatqan Úkimet saǵatynda Energetıka mınıstri Vladımır Shkolnık málim etti.
Mınıstrdiń aıtýynsha, 2014 jyldyń qorytyndysy boıynsha kómirden alynǵan otyn kólemi energııanyń 73 paıyzyn, gazdan 18 paıyzyn, jel energetıkasy 8 paıyzyn, jańǵyrtylatyn energetıka, sonyń ishinde shaǵyn sý elektr stansalarynan alynatyn energııa 0,6 paıyzyn quraǵan. «Aıta keterligi, «jasyl ekonomıkaǵa» ótý tujyrymdamasyna sáıkes, jańǵyrtylatyn energııa kózderinen alynatyn qýat 2020 jylǵa qaraı 3 paıyzǵa, 2030 jyly 10 paıyz, 2050 jyly 50 paıyzǵa jetkizý kózdeledi. Sonymen qatar, 2014 jyly elimizde energııa tutyný 91,6 mlrd kVt/saǵatty quraıdy. Jalpy, energııa óndirý 93,9 mlrd kVt/saǵatty qurap, onyń aldyndaǵy jylmen 102,1 paıyzdy qurady. Al ondaǵy ımport 644 mln kVt/saǵatty, eksport 2 mlrd 9 mln kVt/saǵatty qurap otyr», - dedi mınıstr V. Shkolnık.
