Qazaqstan bylǵary qolǵap sheberleri Ystambuldaǵy halyqaralyq týrnırge qatysady
ALMATY. Sáýirdiń 5-i. QazAqparat /Rýslan Medelbek/ - Túrkııada sáýirdiń 6-12 kúnderi bokstan Ahmet Komert atyndaǵy halyqaralyq týrnır ótedi,
Bul dúbirli dodada el namysyn 8 jigit pen 10 qyzdan jasaqtalǵan komanda qorǵaıdy. Erler quramasynyń bas bapkeri Myrzaǵalı Aıtjanov onda Mıras Jaqypov (51 kg), Aıdar Ómirzaqov (60 kg), Ádilet Egizekov (64 kg), Rústem Sybaev (69 kg), Danabek Sýjanov (75 kg), Almat Serimov (81 kg), Vasılıı Levıt (91 kg) pen Ivan Dychkoǵa (+91 kg) senim artyp otyr. Jyl basynda Qostanaıda ótken el chempıonatynda Mıras, Aıdar, Danabek, Almat pen Ivan óz salmaqtarynda chempıon atanyp, Ádilet, Rýstem jáne Vasılıı kúmis júldeger atanǵan bolatyn.
Qyzdar quramasynyń bas jattyqtyrýshysy Vadım Prısıajnıýk - Nazym Qazaıbaı (46 kg), Nazgúl Boranbaeva (48 kg), Áıgerim Asqarova (51 kg), Gúljan Ákimova (54 kg), Oksana Koroleva (57 kg), Gúljan Ýbanııazova (60 kg), Saıda Hasenova (64 kg), Elena Koltsova (69 kg), Darıǵa Shakımova (75 kg), Juldyz Mamatqulovaǵa (81 kg) úmit artýda. Byltyr sáýirdiń 14-19 kúnderi ótken bul týrnırde V. Prısıajnıýktiń shákirtteri 29 elden kelgen 124 boksshynyń arasynan 1 altyn, 1 kúmis, 5 qola medal oljalaǵan edi. Máselen 51 kıláda Jaına Shekerbekova chempıon atansa, Nazgúl Boranbaeva (46 kg) kúmis, al Áıgerim Asqarova (48 kg), Saıda Hasenova (64 kg), Darıǵa Shakımova ( 69 kg), Juldyz Mamatqulova ( 75 kg) jáne Marına Volnovalar ( 81 kg) qola júldeger atandy.
