Qazaqstan bylǵary qolǵap sheberleri QR Prezıdent kýbogy halyqaralyq týrnırin sátti bastady
ALMATY. 2 mamyr. QazAqparat - Keshe Almatyda bokstan QR Prezıdent kýbogy ІІІ halyqaralyq týrnıriniń alǵashqy jekpe-jekteri ótti.
Onda 10 juptyń saıysynda qazaqstandyq 8 boksshy óner kórsetip, onyń altaýy jarystyń kelesi kezeńine ótti. Atap aıtqanda, 56 keli salmaqtaǵy Baǵdat Álimbekov bıylǵy Álem chempıonatynyń jeńimpazy kýbalyq Alvanes Estradoǵa, al 69 kelidegi Madııar Áshkeev Álem chempıonatynyń kúmis júldegeri úndistandyq Vıkas Krıshanǵa ese jiberdi. Ózge boksshylarymyzdan 60 kelidegi Samat Bashenov úndistandyq Jaı Vhanvandy, 64 kelide Ádilet Áblashımov qyrǵyz Almazbek Álibekovty, 69 kelide Baqytjan Qojabekov kýbalyq Arıan Lıskaıdy jarys jolynan shyǵaryp tastady. Sondaı-aq Londondaǵy HHH Jazǵy olımpıada oıyndarynda el namysyn qorǵaıtyn Danııar Eleýsinov (69 kg) qyrǵyz Azamat Qanybekulyn eline merziminen buryn qaıtardy. Al úndis Sýmıt Samınvanmen teń túsken Asqar Abdýllaev (81 kg) belsendiligi úshin tóreshiler sheshimimen jarysty ary qaraı jalǵastyrýǵa múmkindik aldy.
Jalpy bul dúbirli dodaǵa Qazaqstannan qatysyp jatqan 3 komandadan 17 boksshy baqtaryn synaýda. Olardyń ekeýi ulttyq quramanyń, bireýi Almaty qalasynyń komandasy.
