Qazaqstan BUU reıtınginiń «e-qatysý» ındeksi boıynsha ІІ orynda
ASTANA. 16 mamyr. QazAqparat - Jenevada ótken WSIS - 2012 forýmynda qazaqstandyq delegatsııa aqparattyq-kommýnıkatsııalyq tehnologııalar salasyndaǵy elimizdiń jetistikterin tanystyrdy.
BUU-nyń sońǵy reıtıngisine sáıkes, Qazaqstan «e-qatysý» ındeksi boıynsha uıymǵa qatysýshy 190 eldiń arasynda Sıngapýrmen birge 2-shi oryndy bólisken bolatyn. 2005 jyly osy ındeks boıynsha elimiz 31 orynda bolǵan edi. Al «elektrondyq úkimetti damytý» ındeksi boıynsha bizdiń elimiz ústimizdegi jyly 38-shi orynǵa kóterildi. 2005 jyly 65 oryndy ıemdengen edik.
Qazaqstan Respýblıkasynda «elektrondyq úkimetti» qurý bastamasy Memleket basshysy Nursultan Nazarbaevtyń bastamasymen qolǵa alynǵan bolatyn.E-úkimetti engizý baǵdarlamasy Elbasynyń 2004 jylǵy 10 qarashadaǵy Jarlyǵymen bekitildi.
2004-2006 jyldar aralyǵynda «elektrondyq úkimettiń» veb-portaly men shlıýzi, vedomstvoaralyq elektrondyq qujat aınalymy kýálandyrýshy ortalyqtar, biryńǵaı tasymal orta, jeke jáne zańdy tulǵalardyń memlekettik derekter qory iske qosyldy. www.egov.kz portaly óz jumysyn 2006 jylǵy 12-shi sáýirde bastady. Іske qosý kezinde ár túri memlekettik organdardyń qyzmetin qamtyǵan 377 aqparattyq qyzmet iske asyryldy.
2007-2009 jyldar aralyǵynda tranzaktsııa júrgizýge múmkindik beretin «elektrondyq úkimettiń» tólem shlıýzi boıynsha jumystar júrgizildi. Portalda «E-lıtsenzııalaý» boıynsha derekter qory men alǵashqy ınteraktıvti qyzmetter qolǵa alyndy.
Qazirgi tańda «elektrondyq úkimet» jobanyń aıasynda 2000-nan astam aqparattyq, 225 ınteraktıvti jáne tranzaktsııalyq qyzmetter usynylýda. E-úkimet portalynda 154 120 paıdalanýshy tirkelgen jáne kún saıyn 25 000 adam portal qyzmetin paıdalanady. Elektrondyq úkimet iske qosylǵan 6 jyldyń ishinde 11 200 000 e-qyzmet kórsetildi.Onyń ishinde, 1 200 000 astam qyzmet ústimizdegi jyly kórsetildi. 2012 jylǵy 1-shi sáýirden bastap www.elicense.kz e-lıtsenzııalaý portalynda lıtsenzııalardyń barlyq túri tek elektrondyq nusqada beriledi.
