Qazaqstan BUU-nyń Aýǵanstandaǵy gýmanıtarlyq ahýal jónindegi halyqaralyq konferentsııasyna qatysty

NUR-SULTAN – JENEVA. QazAqparat - Qazaqstan Prezıdentiniń Aýǵanstan boıynsha Arnaıy ókili Talǵat Qalıev beınebaılanys arqyly Aýǵanstandaǵy gýmanıtarlyq ahýalǵa arnalǵan halyqaralyq konferentsııaǵa qatysty, dep habarlaıdy QazAqparat QR SІM baspasóz qyzmetine silteme jasap.

Іs-sharaǵa BUU Bas hatshysy Antonıý Gýterrısh, BUU Bas hatshysynyń Aýǵanstan boıynsha Arnaıy ókili Debora Laıons, Uıymǵa múshe memleketterdiń jáne halyqaralyq uıymdardyń ókilderi qatysty.

Óz sózinde T. Qalıev Qazaqstan Aýǵanstandaǵy ahýaldy turaqtandyrý boıynsha halyqaralyq kúsh-jigerge óziniń naqty úlesin qosýdy jalǵastyrýǵa daıyn ekenin málimdep, elimizdiń BUU qamqorlyǵymen halyqaralyq gýmanıtarlyq kómekti qaýipsiz jáne birlesken túrde Aýǵanstanǵa jetkizýdi qamtamasyz etý maqsatynda Almatyda halyqaralyq gýmanıtarlyq logıstıkalyq habty qurý týraly bastamasyn erekshe atap ótti.