Qazaqstan BUU-nyń adamzat damýynyń ındeksi reıtınginde 14-satyǵa kóterildi
Efıopııa astanasy Addıs-Abebada kópshilikke jarııalanǵan jańa baıandamaǵa sáıkes Qazaqstan reıtıngi 14-satydaǵy 56 orynǵa deıin kóterildi.
Adamzat damýynyń ındeksi elder arasyndaǵy ómir súrý, saýattylyq, bilimdilik jáne ómir súrý uzaqtyǵy deńgeıin adamzat áleýetiniń negizgi ólshemderi retinde salystyrý maqsatynda jyl saıynǵy negizde sanalady. Adamzat damýynyń ındeksin sanaý kezinde 3 túrli kórsetkish eskeriledi:
1. Kútiletin ómir súrý shamasy - uzaq ómir súrý bolyp baǵalanady.
2. El halqynyń saýattylyq deńgeıi (oqýǵa jumsalǵan jyldardyń ortasha sany) jáne oqý uzaqtyǵynyń boljaldy merzimi.
3. AQSh dollarymen eseptegende satyp alý qabilettiliginiń tepe-teńdigi boıynsha adam basyna shaqqandaǵy jalpy ulttyq tabys arqyly baǵalanǵan ómir súrý deńgeıi.
Baıandamaǵa sáıkes Qazaqstan adamzattyń damý deńgeıi joǵary elder tobyna kiredi jáne 2015 jyly osy kórsetkish boıynsha 56-oryndy ıelendi (2014 jylmen salystyrǵanda, 14 tarmaqqa joǵarylady). Adamzat damýynyń ındeksi 0.788-di qurady (2014 jyly - 0.757); ómir súrý uzaqtyǵynyń kórsetkishi - 69.4 jas (2014 jyly - 66.5 jas); oqýǵa jumsalǵan jyldardyń ortasha sany - 11.4 jyl (2014 jyly - 10.4 jyl); al bilim alý uzaqtyǵynyń kórsetkishi ózgerissiz qalyp,15 jyldy qurady. Adam basyna shaqqandaǵy jalpy ulttyq tabys 20,876 dollarǵa jetti (2014 jyly - 19,441 dollar).
