Qazaqstan BUU-ny depýtattar saılaýyn monıtorıngileýge shaqyrdy

ASTANA. QazAqparat – Qazaqstan BUU-ny depýtattar saılaýyna monıtorıng jasaýǵa shaqyrady. Bul týraly Syrtqy ister mınıstriniń birinshi orynbasary Qaırat Omarov aıtty, dep habarlaıdy QazAqparat tilshisi.

«Ótken jyly Prezıdent Qasym-Jomart Toqaev elimizdiń munan ary damýy úshin jańa áleýmettik-ekonomıkalyq negiz jasaıtyn birqatar mańyzdy bastamany jarııa etti. Jańa Qazaqstan qurý aıasynda biz ınklıýzıvti ekonomıkalyq ósim jasaýymyz, saıası reformalar júrgizýimiz, makroekonomıkalyq turaqtylyqqa kepildik berýimiz jáne kásipkerlikti damytýymyz qajet. Ótken jyldyń qarashasynda prezıdenttik saılaýdy sátti ótkizgennen keıin kelesi aptada – 19 naýryzda ótetin parlamenttik saılaýǵa jaqyndap qaldyq. Sondyqtan sizderdi aldaǵy saılaýdy monıtorıngileýge belsendi qatysýǵa shaqyramyz», - dedi Qaırat Omarov elordada «Qazaqstandaǵy Birikken Ulttar Uıymyna 30 jyl jáne BUU-nyń 2021-2025 jyldarǵa arnalǵan Turaqty damý yntymaqtastyǵy sheńberiniń Basqarýshy komıteti» taqyrybynda ótken is-shara barysynda.