Qazaqstan BUU-nyń onlaın qyzmetter ındeksi boıynsha TMD elderi arasynda kóshbasshy

ASTANA. KAZINFORM — Qazaqstan — elektrondyq úkimetti damytý ındeksi boıynsha álemdegi úzdik 30 eldiń qataryna kiredi, sondaı-aq World Bank GTMI baǵalaýynda «A» tobyna engen. Bul týraly Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Rostıslav Konıashkın málim etti. 

— Qazaqstan BUU-nyń onlaın qyzmetter ındeksi boıynsha TMD elderi arasynda 1-orynda tur. Elektrondyq úkimetti damytý ındeksi boıynsha álemdegi úzdik 30 eldiń qataryna kiredi, sondaı-aq World Bank GTMI baǵalaýynda «A» tobyna engen. Bul kórsetkishter jaı ǵana sandar emes, memlekettik basqarýdyń ashyqtyǵy, qoljetimdiligi jáne tıimdiligi qaǵıdattaryna adaldyǵymyzdyń halyqaralyq moıyndalýy. Bizdiń maqsat — kórinbeıtin úkimet, ıaǵnı qyzmetter azamatqa proaktıvti túrde, artyq bıýrokratııasyz usynylatyn, al tehnologııalar ómirdiń ajyramas bóligine aınalatyn júıe qurý, — dedi Rostıslav Konıashkın «Ortalyq Azııa — Qytaı» ekinshi ındýstrııalyq-ınvestıtsııalyq yntymaqtastyq forýmynda.

Odan ári vıtse-mınıstr búginge deıin istelgen jumystardy tizip shyqty:

— eGov mobıldi qosymshasy — ETsQ-lardyń 50%-dan astamy tikeleı smartfon arqyly rásimdeledi;

— 78 mıllıonnan astam kórsetilgen qyzmet, 10 mıllıonnan astam paıdalanýshy, onyń ishinde aı saıyn 5 mıllıonnan astamy belsendi;

— Áleýmettik ámııan — azamattar azyq-túlik, dári-dármek, aqshalaı emes kómek túrlerin keńsege barmaı-aq, bir ǵana batyrmamen ala alady;

— Shaǵyn jáne orta bızneske arnalǵan platforma, ol naqty ýaqytta tsıfrlyq quraldarǵa, analıtıkaǵa, jeńildikter men sýbsıdııalarǵa qol jetkizýdi qamtamasyz etedi;

— Data Lake — 120-dan astam memlekettik derekqor biriktirilgen biryńǵaı derekter bazasy. Bul basqarýshylyq sheshimderdi boljammen emes, naqty derektermen qabyldaýǵa múmkindik beredi;

— Jasandy ıntellekt júıeleri — eGov AI jáne Qazaq Law sekildi quraldar azamattarǵa memlekettik qyzmetter men quqyqtyq máseleler boıynsha baǵyt-baǵdar beredi.

— Biz tek protsesti avtomattandyryp qana qoımaımyz. Biz basqarý tásiliniń ózin ózgertip jatyrmyz. Memlekettik qyzmetterdi qaıta jobalaý, qaǵazbastylyqtan bas tartý, bıometrııalyq sáıkestendirý, bir kúnde rásimdeletin elektrondyq ıpoteka — munyń bári endi keleshek emes, qazir múmkin dúnıe. Alaıda, bizdiń jumys munymen toqtamaıdy. Biz GovTech ekojúıesin keńeıtýdi, ashyq derekterdi qoldaýdy, platformalyq sheshimdi damytýdy jáne otandyq tsıfrlyq ónimderdi eksportqa shyǵarýdy jalǵastyramyz. Tsıfrlandyrý — maqsat emes, bul memleketke degen senimdi arttyrý quraly. Biz tsıfrlyq memleketti árbir azamat pen kásipker úshin qarapaıym, yńǵaıly jáne ádiletti etý jolynda bar kúshimizdi salyp jumys istep jatyrmyz, — dep tolyqtyrdy mınıstrdiń orynbasary.

Buǵan deıin habarlaǵanymyzdaı keminde 300 myń dollar ınvestıtsııa salǵan sheteldikterge Qazaqstanda 10 jyl turý múmkindigi beriledi. 

Aıta keteıik, elordada ótip jatqan «Ortalyq Azııa — Qytaı» ekinshi ındýstrııalyq-ınvestıtsııalyq yntymaqtastyq forýmynda Qazaqstan men Qytaı 25 mlrd dollarǵa 60 kelisimge qol qoıdy.