Qazaqstan BUU-nyń kıberqylmysqa qarsy konventsııasyna qosylmaq
ASTANA. KAZINFORM — Іshki ister mınıstrligi kıberqylmysqa qarsy kúres salasyndaǵy halyqaralyq yntymaqtastyqty kúsheıtý maqsatynda «Kıberqylmysqa qarsy Birikken Ulttar Uıymynyń konventsııasyna qol qoıý týraly» jobasy ázirlendi.
Mınıstrliktiń málimetinshe, qujat «Qazaqstan Respýblıkasynyń halyqaralyq sharttary týraly» zańnyń 5 jáne 9-baptaryna sáıkes jáne Memleket basshysynyń 2025 jylǵy 2 maýsymdaǵy № 25-93-5.5 p. 1.30 tapsyrmasy negizinde daıyndalǵan.
Joba Prezıdent Jarlyǵy arqyly BUU-nyń kıberqylmysqa qarsy konventsııasyn maquldaýdy jáne Qazaqstan Respýblıkasy atynan oǵan qol qoıýǵa ókilettik berýdi kózdeıdi.
Konventsııaǵa qosylý elimizge kıberqylmysqa qarsy is-qımyl salasyndaǵy jumystyń tıimdiligin arttyrýǵa, elektrondy dáleldemelermen almasý tetikterin jetildirýge, sondaı-aq ulttyq zańnama men quqyq qoldaný tájirıbesin halyqaralyq standarttarǵa sáıkestendirýge múmkindik beredi.
2025 jyldyń basynan beri kıberqylmys boıynsha 6 uıymdasqan qylmystyq top anyqtalǵanyn jazǵanbyz.