Qazaqstan BUU Qaýipsizdik Keńesindegi óziniń saıası áleýetin arttyrady
«BUU Qaýipsizdik Keńesiniń pikirtalastaryndaǵy Prezıdenttiń saıası joldaýynda aıtylǵandaı, bul jumystar aıasyndaǵy bizdiń basymdyqty maqsattarymyz mynalar: ıadrolyq qarýsyz álemdi jaqyndatý, jahandyq soǵys qaterin boldyrmaý, Aýǵanstandaǵy beıbitshilikke yqpaldasý, Ortalyq Azııada beıbitshiliktiń óńirlik aımaǵyn qalyptastyrý, BUU qamqorlyǵymen Jahandyq lańkestikke qarsy koalıtsııa (jeli) qurý, Afrıkanyń beıbit damýyna járdemdesý, BUU-nyń Ornyqty damý maqsattaryn, beıbitshilik, qaýipsizdik jáne damý arasyndaǵy ajyramas baılanysty ilgeriletý, BUU-ny HHІ ǵasyr talaptaryna beıimdeý jáne jahandyq problemalardy sheshý úshin ujymdyq saıası erikti nyǵaıtý maqsatynda memleketter men úkimetter basshylary deńgeıinde QK-ne múshe memleketterdiń turaqty kezdesýler tetigin kelisý bar», - dedi Marat Shıbutov.
Saıasattanýshy quqyqtyq jáne qoldanbaly aspektilerge de toqtaldy.
«Menińshe, biz jyldyń sońyna deıin antıterrorıstik operatsııalardaǵy kodeks boıynsha óz ázirlemelerimizdi usynyp, tipti engize de alamyz. Buǵan qosa, BUU-nyń bolashaǵyna qatysty óz kózqarasymyzdy bildirýge múmkindigimiz bar. Qoldanbaly mindetter boıynsha - ol jerde bir jyldyń ishinde kózge kórinerlikteı is jasaý úshin úlken kúsh kerek. Biraq biz tyrysatyn bolamyz. Menińshe, biz ol jerdegi ózimizdiń saıası áleýetimizdi arttyramyz. Sodan keıin bul bizge ekonomıkalyq áleýetimizdi kúsheıtýge kómektesedi. Mundaı qyzmet birden bolmasa da birtindep elimizdiń qarapaıym halqyna óz jemisin beredi», - dedi Shıbutov.
