Qazaqstan BUU Qaýipsizdik Keńesinde antııadrolyq bastamalardy ilgeriletýge basa mán beredi - Chebotarev

ASTANA. QazAqparat -  Qazaqstan Birikken Ulttar Uıymynyń qaýipsizdik keńesinde Prezıdent Nursultan Nazarbaevtyń antııadrolyq bastamalaryn ilgeriletýge basa mán beretin bolady.

Mundaı pikirdi tanymal saıasattanýshy Andreı Chebotarev bildirdi, dep habarlaıdy QazAqparat.

«Qazaqstan ótken jyly Memleket basshysy usynǵan antııadrolyq bastamalardy ilgeriletýge basa mán beretin sııaqty. Sırııa jaǵdaıyn qosa alǵanda sanalýan ózekti máseleler óte kóp. Buǵan qosa, Qazaqstan sırııalyq janjaldy retteý kelissózderi úshin Astanada alań usynýǵa daıyn ekendigin bildirip  otyr.  Aýǵanstan jaǵdaıy da bar. Ony da retteý isine Qazaqstan qatysýda. Jalpy, másele óte kóp», - dedi Chebotarev.

Saıasattanýshy Qazaqstan BUU Qaýipsizdik Keńesindegi óziniń 2017 jylǵa arnalǵan basymdyqtaryn naqty anyqtap alýy qajettigin de basa aıtty.

Esterińizge sala ketsek, 10 qańtarda Qazaqstan alǵash ret BUU Qaýipsizdik Keńesiniń turaqty emes múshesi retinde onyń «Shıelenisterdiń aldyn alý jáne beıbitshilikti saqtaý» taqyrybyndaǵy ashyq pikirtalastaryna qatysty. Nıý-Iork qalasynda ótken shara aıasynda Qazaqstannyń Syrtqy ister mınıstri Qaırat Ábdirahmanov Prezıdent Nursultan Nazarbaevtyń «Qaýipsiz, ádil jáne gúldengen álem qurý úshin jahandyq áriptestikti nyǵaıtýǵa qazaqstandyq tujyrymdamalyq kózqaras» atty saıası joldaýyn tanystyrdy.