Qazaqstan BUU-ǵa múshe elder bitimgerlerin daıyndaý quqyǵyn ıe boldy
BUU-nyń Nıý-Iorktegi shtab-páterinde BUU-nyń Bas hatshysynyń beıbitshilikti qoldaý jónindegi operatsııalary boıynsha orynbasary Jan-Per Lakrýa qazaqstandyq nusqaýshylar ázirlegen jáne KAZTsENT negizinde júrgizilgen bitimgerlik kýrstarynyń BUU standarttaryna sáıkestigin taný týraly qujattaryna qol qoıdy.
Kýrstardy sertıfıkattaý aldynda Qazaqstandaǵy bitimgerlerdi oqytý ádisnamasy jete jáne uzaq zertteldi, sondaı-aq KAZTsENT-tiń materıaldyq-tehnıkalyq bazasyn, nusqaýshylardy daıyndyq deńgeıin teksergen jáne oqý baǵdarlamalarynyń mazmuny men olardyń BUU standarttaryna sáıkestigin baǵalaǵan BUU Bitimgerlik operatsııalar departamentiniń ókili polkovnık Saıd Tafıdtiń 2018 jylǵy jeltoqsandaǵy Almatyǵa sapary ótti.
KAZTsENT aımaqtaǵy Beıbitshilikti qoldaý ortalyǵynyń halyqaralyq qaýymdastyǵynyń jalǵyz tolyq quqyqty múshesi bolyp tabylady.
KAZTsENT kýrstary bitimgerlerdi BUU mıssııalaryndaǵy kópultty shtabtarda jumys isteý úshin daıyndaý maqsatynda júrgiziledi. Bitimgerlik qyzmettiń negizderi, prıntsıpteri, mindetterimen tanysý daıyndyqtyń ajyramas bóligi bolyp tabylady. Bitimgerlerdi daıyndaý barysynda beıbit azamattardy qorǵaý, BUU bitimgerlik operatsııalarynyń tártibi men erekshelikterin túsindirý máselelerine kóp kóńil bólinedi. KAZTsENT túlekteriniń basym bóligi BUU-nyń Batys Saharaǵa qatysty referendým ótkizý jónindegi mıssııasynda bitimgerler bazalarynyń komandırleri jáne osy mıssııa shtabynyń oqý bólimderiniń basshylaryn qosa alǵanda bitimgerlik mıssııalarda jetekshi laýazymdarǵa ıe boldy.
BUU Qaýipsizdik Keńesindegi belsendi jáne tabysty eki jyldyq jumys nátıjesinde 2018 jylǵy qazanda Qazaqstan alǵash ret BUU-nyń Lıvandaǵy ýaqytsha kúshterine 120 áskerı qyzmetkerden quralǵan bitimgerlik rota jiberdi. Olardyń kópshiligi KAZTsENT-te bilim aldy.
Ótken jyldyń jeltoqsan aıynda qazaqstandyq bitimgerlerge maıor Sholpan Taýyshova qosyldy.
