Qazaqstan BUU elderiniń elektrondyq Úkimetke ázirlik reıtınginde 81-shiden 46-shy orynǵa kóterildi

BUU ázirlegen elektrondyq Úkimetke jahandyq daıyndyqtyń jyl saıynǵy reıtıngine sáıkes, Qazaqstan sońǵy jylda 81-shiden 46-shy orynǵa kóterilip, turaqty ilgerilep keledi. Respýblıka Reseı (59-shy oryn), Belarýs(64-shi oryn) jáne Ýkraına (54-shi) elderinen ozyp otyr. Bizdiń elimizde 70 myńǵa jýyq elektrondyq Úkimettiń qyzmetin paıdalanýshy tirkeldi (zańdy jáne jeke tulǵalardy qosqanda).

Al telekommýnıkatsııalyq ınfraqurylymdy damytý boıynsha Qazaqstan 91-shi orynda tursa, onlaındyq qyzmet kórsetý boıynsha ortasha álemdik deńgeıden 0,5270 ındekspen (24-shi oryn) ozyp keledi, al jańalyqtarǵa daıyndyq reıtıngi boıynsha - 22-shi orynda túr.

Álem elderiniń elektrondyq Úkimetti paıdalanýǵa ázirlik deńgeıi álemniń 192 eliniń áleýeti men damý múmkindikteriniń jyl saıynǵy esepterin jarııalaıtyn BUU-nyń Ekonomıkalyq jáne áleýmettik damý qyzmetiniń aıasynda júzege asyrylady. BUU reıtınginiń alǵashqy bestigine Ońtústik-Shyǵys Azııanyń, Batys Eýropa men Soltústik Amerıkanyń jetekshi elderi: Koreıa, AQSh, Kanada, Ulybrıtanııa, Nıderlandy kirip otyr.