Qazaqstan BUU Bas Assambleıasynyń dinı rámizderdi qorlaýdy aıyptaıtyn qararynyń teńavtorlaryna qosyldy

ASTANA. QazAqparat – Birikken Ulttar Uıymynyń Bas Assambleıasy konfessııaaralyq dıalogty damytýǵa jáne óshpendilik tilmen kúresýge baǵyttalǵan qarardy qabyldady, dep habaarlaıdy .

Qabyldanǵan qararda din nemese nanym-senimine baılanysty adamdarǵa qarsy zorlyq-zombylyq áreketterdiń barlyq túrleri aıyptalady. Sonymen qatar qujatta dinı rámizderge, qasıetti kitaptarǵa, turǵyn úılerge, jumys oryndaryna, múlikterge, mektepterge, mádenıet úıleri men ǵıbadat oryndaryna qarsy baǵyttalǵan kez kelgen áreketterdi aıyptaýǵa nazar aýdaryldy.

BUU qararynyń mátinine dinı rámizder men qasıetti kitaptarǵa siltemelerdi engizý týraly sheshim Eýropanyń birqatar elderinde Qasıetti Quran órtep, ony qorlaý oqıǵalarynyń tizbegi aıasynda qabyldandy.

Qazaqstan BUU-ǵa múshe basqa 47 elmen birge bul qarardyń teńavtory boldy.