Qazaqstan BUU Bas Assambleıasynyń Izraıl shekarasyna qatysty rezolıýtsııasyn qoldady

Qazaqstan BUU Bas Assambleıasynyń Izraıl shekarasyna qatysty qararyn qoldady. Qararǵa sáıkes, Izraıl 1967 jylǵy shekaraǵa oralýǵa shaqyryldy, dep habarlaıdy Kazinform uıymnyń saıtyna silteme jasap.

Daýys berý Birikken Ulttar Uıymy Bas Assambleıasynyń 78-sessııasy barysynda ótti. Qujatqa 91 el daýys berdi. Olardyń qatarynda Reseı, Brazılııa, Úndistan, Qytaı jáne Saýd Arabııasy bar. Segiz memleket qarsylyq bildirdi, olardyń qatarynda AQSh pen Ulybrıtanııa bar. 62 el qalys qaldy. Qarardy birlesip jazǵan elder qatarynda Aljır, Venesýela, Egıpet, Iordanııa, Irak, Katar, Soltústik Koreıa, Kýba, Kýveıt, Lıvan, Mavrıtanııa, BAÁ, Sırııa jáne Týnıs bar.

Bas assambleıa qararlarynyń BUU Qaýipsizdik keńesi qararlarynan aıyrmashylyǵy – mindetti kúshi joqtyǵynda.