Qazaqstan BUU Azııa jáne Tynyq muhıty elderine arnalǵan sessııasyna tóraǵalyq etýde
Sessııanyń tóraǵasy bolyp Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi saılandy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.
Sessııanyń ashylýynda sóz sóılegen M.Tileýberdi óńirlik elderdiń qazirgi kezdegi negizgi syn-qaterlerin atap, týyndaǵan máselelerdiń sheshý joldary týraly óz kózqarasyn usyndy.
«Azııa-Tynyq muhıt aımaǵyndaǵy óńirlik yntymaqtastyq sheńberinde «burynǵydan da jaqsy» qaǵıdaty negizinde daǵdarystan keıingi qalpyna keltirý» taqyrybynda ótkiziletin AzTMEÁK-tiń 77-sessııasynyń joǵary segmentinde memleket jáne úkimet basshylary, onyń ishinde Aýǵanstan, Ázerbaıjan, Bangladesh, Indonezııa, Kambodja, Qyrǵyzstan, Mońǵolııa, Pákistan, Tájikstan, Taıland, Ózbekstannyń basshylary, halyqaralyq uıymdardyń jetekshileri jáne basqa da laýazymdy tulǵalar málimdeme jasady.
Sessııaǵa qatysýshylar COVID-19 pandemııasyna jaýap retinde óńirlik yntymaqtastyq pen baılanystyń artýy, onyń áleýmettik-ekonomıkalyq áseri, sondaı-aq daǵdarystarǵa tózimdilikti arttyrý jáne pandemııadan áleýmettik-ekonomıkalyq qalpyna keltirýdi tezdetý joldary máselelerin qozǵady.
BUU Azııa men Tynyq muhıty elderine arnalǵan Ekonomıkalyq jáne áleýmettik komıssııasy (BUU AzTMEÁK) 1947 jyldyń naýryzynda quryldy. AzTMEÁK shtab-páteri Bangkokta ornalasqan. Komıssııa óńirlik jáne sýbóńirlik yntymaqtastyqty arttyrý arqyly Azııa-Tynyq muhıt elderiniń áleýmettik-ekonomıkalyq damýyna kómektesýge arnalǵan.
Komıssııa quramyna qaýymdastyrylǵan múshe mártebesi berilgen 53 memleket pen 9 aýmaq kiredi. AzTMEÁK Azııa-Tynyq muhıty aımaǵyndaǵy eń ámbebap uıym jáne geografııalyq qamtý jáne halyq sany boıynsha BUU aımaqtyq komıssııalarynyń ishindegi eń irisi bolyp tabylady (álem halqynyń 60%-y).
2005 jyly ótken AzTMEÁK-tiń 61-sessııasynyń tóraǵasy QR Syrtqy ister mınıstri Qasym-Jomart Toqaev saılanǵan.
