Qazaqstan BUU Adamı damý ındeksinde 51-orynda tur
Senat depýtattary men BUU Damý baǵdarlamasynyń ókilderi Qazaqstandaǵy adamı damýdy ilgeriletý máselelerin talqylady.
«Bul kezdesý elimiz úshin mańyzdy data – Táýelsizdiktiń jáne BUU-ǵa músheliktiń 30 jyldyǵymen tuspa-tus keldi. Qazaqstan bul mereıtoıǵa progress pen turaqty damýdyń jaqsy kórsetkishterimen keldi dep tolyq senimmen aıtýǵa bolady. Aýqymdy reformalardyń arqasynda ekonomıkanyń is júzindegi kólemi 2,5 esege ulǵaıdy. Jan basyna shaqqandaǵy JІÓ dollarlyq balamada 13 esege ósti jáne respýblıkamyzǵa Ortalyq Azııadaǵy sózsiz kóshbasshylyqty qamtamasyz etti. Bul bizdiń elimizge adam damýyna aıtarlyqtaı ınvestıtsııa salýǵa múmkindik berdi. Belsendi áleýmettik saıasat arqyly 2011-2020 jyldary Qazaqstandaǵy kedeılik deńgeıi 47 paıyzdan 5 paıyzǵa deıin tómendedi. 30 jyl ishinde Qazaqstanda 1800 mektep jáne 1827 densaýlyq saqtaý nysany salyndy. 2000 jyldan bastap el halqy 4 mıllıonnan astam adamǵa kóbeıdi, ómir súrý uzaqtyǵy 73 jasqa deıin ósti», - dedi Senat tóraǵasynyń orynbasary Olga Perepechına dóńgelek ústel barysynda.
Sonymen birge, BUU Damý baǵdarlamasynyń Qazaqstandaǵy ókili ıAkýp Berısh Qazaqstan damýdyń mańyzdy nátıjelerine qol jetkizgenin atap ótti.
«El damýdyń aıtarlyqtaı nátıjelerine qol jetkizdi, túıindi naryqtyq reformalar iske asyryldy, kedeıshilik deńgeıi qysqartyldy, halyqqa memlekettik qyzmet kórsetý júıesi jetildirildi. Alaıda, bul progresti jańa jahandyq, óńirlik jáne ulttyq syn-qaterleri bar názik jáne boljap bolmaıtyn orta jaǵdaıynda saqtap qalý asa mańyzdy», - dedi ıAkýp Berısh.
Ol sondaı-aq áriptestik qarym-qatynastardy jolǵa qoıýdyń mańyzdylyǵyn atap ótip, BUU DB-nyń eldi jáne Qazaqstan halqyn osy jolda qoldaýǵa daıyn ekenin aıtty.
Shara aıasynda Eýropa jáne TMD elderindegi BUU Damý baǵdarlamasy Aımaqtyq bıýrosynyń bas ekonomısi Ben Sleı adam damýynyń negizgi quramdas bólikteri, onyń ishinde densaýlyq saqtaý, bilim berý jáne laıyqty ómir súrý jaǵdaıy jónindegi Qazaqstannyń ilgerileýine sholý jasady. Sholýǵa sáıkes, sońǵy 30 jylda Qazaqstannyń Adamı damý ındeksiniń jahandyq reıtıngindegi mańyzy aıtarlyqtaı jaqsardy. Qazaqstan árbir onjyldyqtyń syn-qaterlerine jaýap bere otyryp, adamı damýdy belsendi basqardy. El óziniń Adamı damý ındeksin arttyryp, adam damýynyń deńgeıi óte joǵary elder tobyna kire aldy, 189 el men aýmaqtyń arasynda 51-shi orynǵa ıe boldy. Jalpy, 30 jyl ishinde Adamı damý ındeksiniń ortasha jyldyq ósýi 0,6% quraǵan.
