Qazaqstan Búkilálemdik ekonomıkalyq forýmnyń jyl saıynǵy básekege qabilettilik reıtingisinde TOP-50 qataryna endi
ASTANA. 4 qyrkúıek. QazAqparat - Búkilálemdik ekonomıkalyq forým (BEF) 30 jyl qatarynan jarııalanyp kele jatqan álemniń básekege qabiletti elderiniń reıtıngisin jarııalady, dep habarlaıdy QazAqparat BEF resmı saıtyna silteme jasaı otyryp.
Qazaqstan bıyl ótken jylmen salystyrǵanda óz pozıtsııasyn jaqsartyp, 51-orynnan 50-orynǵa kóterildi.
Berilgen esepte Qazaqstannyń «ıkemdi jáne tıimdi eńbek naryǵy (15-oryn) men turaqty makroekonomıkalyq klımaty (23-oryn)» atap ótiledi, ózge elder bul salalarda azdap qıyndyqtardy bastan keshirip otyr. Densaýlyq saqtaý men bastaýysh bilim berý (97-oryn), kásipkerlikti damytý (94-oryn) jáne ınnovatsııa salasy (84-oryn) BEF sarapshylarymen problemaly salalar retinde qarastyrylýda.
Keltirilgen esepke saı, Shveıtsarııa burynǵysha eń básekege qabiletti el retinde reıtıngtiń kósh basynda. AQSh reıtıngtiń jetinshi ornynan besinshige kóterildi. Toǵyzynshy orynǵa bıyl Japonııa ornalasty. Sonymen qatar, alǵashqy ondyqqa Sıngapýr, Fınlıandııa, Germanııa, Shvetsııa, Nıderlandy, Ulybrıtanııa jáne Soltústik Irlandııa birikken koroldigi endi.
