Qazaqstan búkil álemge elde belsendi damyǵan azamattyq qoǵam bar ekenin, Astananyń demokratııalyq ózgeristerge ustanǵan baǵytynyń turaqtylyǵyn kórsetti - M Jarbosynova
RShAVA. 10 qazan. QazAqparat /Tımýr Bekturǵanov/ - Polsha astanasynda ótip jatqan EQYU-nyń Sholý konferentsııasynda Qazaqstan búkil álemge elimizde damyǵan jáne belsendi azamattyq qoǵam bar ekenin,
Astananyń demokratııalyq ózgeristerge ustanǵan baǵytynyń turaqtylyǵyn, sonymen qatar Qazaqstan tarapynyń gýmanıtarlyq ólshemderdegi halyqaralyq mindetterge berik ekenin kórsetti.
Bul týraly Varshavada ótken EQYU-nyń Sholý konferentsııasy aıasynda juma, 7 qazan kúni jyl saıynǵy jumysyn aıaqtaǵan halyqaralyq quqyq qorǵaý konferentsııasynyń sońǵy sessııasynda sóz ala otyryp, Qazaqstan delegatsııasynyń basshysy, Erekshe tapsyrmalar jónindegi QR elshisi Mádına Jarbosynova málim etti.
M.Jarbosynovanyń atap ótkenindeı, byltyr EQYU-ǵa tóraǵalyq etken Qazaqstan basqa elder úshin úkimettik emes uıymdarmen aradaǵy syndarly dıalogty damytýǵa memlekettiń daıyn ekenin basqa elderge úlgi qylyp kórsetti. Bizdiń elimiz ÚEU-lardyń qatysýymen demokratııalyq reformalar máseleleri jóninde birqatar ishki jáne halyqaralyq is-sharalardy ótkizýge uıytqy bolǵan.
«Astanada ótken sammıtte bizdiń elderimizdiń basshylary «EQYU qyzmetiniń tıimdiligin arttyrý jónindegi jumystardy jalǵastyrýǵa» kelisimge kelgenin esepke ala otyryp, biz Uıym quramyndaǵy barlyq memleketterdi osy halyqaralyq qurylymnyń gýmanıtarlyq salasyn belsendi jetildirýge shaqyramyz», - dedi sóziniń sońynda elshi.
