Qazaqstan búgingi jetistikterge - halyq Elbasyna sengendikten, Elbasy óz halqyn súıgendikten jetip otyr - depýtat L.Hochıeva
ASTANA. 5 sáýir. QazAqparat /Gúlmıra Álıakparova/ - Qazaqstan búgingi jetistikterge - halyq Elbasyna sengendikten, Elbasy óz halqyn súıgendikten jetip otyr.
Bul oıyn búgin Qazaqstan halqy Assambleıasynyń forýmy barysynda jýrnalısterge bergen suhbatynda QR Parlamenti Májilisiniń depýtaty, QHA múshesi Lıýdmıla Hochıeva bildirdi.
«Búkil álemge tanymal bolyp otyrǵan búgingi kúngi Qazaqstannyń jetistikteri eldiń Tuńǵysh Prezıdenti N.Nazarbaevpen baılanysty. Al ol jetistikterge - halyq Elbasyna sengendikten, Elbasy óz halqyn súıgendiginiń arqasynda jetip otyrmyz. Sol elin, jerin súıgen Elbasymyz bizdi ári qaraı da jarqyn bolashaqqa, úlken jetistikterge jeteleıdi degen senimmen, 3 sáýir kúni ótken saılaýda daýystarymyzdyń basym bóligin berýimizdiń sebebi de sol», - dedi L.Hochıeva.
«Men óz halqymnyń jolynda basymdy báıgege tikken adammyn», - degen Memleket basshysynyń keremet sózi bar. Endi kórip otyrǵanymyzdaı, halyq Elbasy úshin óz júrekterin, óz senimderin báıgege salyp, prezıdenttikke saılap otyr. «Eldiń baǵyn ashpasa, er muratqa jeter me! Eriniń saǵyn syndyrsa, el muratqa jeter me?», degen qazaq maqalynyń maǵynasy osy kúni aıshyqtala tústi», - dep túıindedi sózin depýtat.
