Qazaqstan búgin halyqaralyq «Jer saǵaty» aktsııasyna qosylady
ASTANA. QazAqparat - Qazaqstan ǵalamshardy qutqarý úshin 60 mınýt qarańǵylyqqa oranady - eldiń júzge tarta qalasy bıylǵy jyly «Jer saǵaty» halyqaralyq aktsııasyn qoldaıdy. Búgin búkil álem saǵat 20:30-da jaryqty, elektr prıborlaryn jáne ǵımarattardy jaryqtandyrýdy óshiredi.
Bir saǵat boıy elordalyq Báıterek, «Astana opera» teatry jáne Kóktóbedegi telemunara sııaqty sáýlettik ǵımarattarda jaryq óshiriledi. Búkil elde bul kezde buqaralyq sharalar ótedi. Aldyn ala esepterge qaraǵanda, aktsııaǵa mıllıonǵa tarta qazaqstandyqtar qatysady. Ekologııalyq fleshmobty bizdiń el segiz jyl boıy qatarynan qoldap keledi. Bul shara alǵash ret 2007 jyly ótkizilgen bolatyn, buǵan Búkilálemdik tumsa tabıǵat qory bastamashy boldy. Sóıtip, bul uıym jurtshylyq nazaryn klımattyń ózgerýi problemalaryna aýdarýdy kózdeıdi.
