Qazaqstan bitimgershilik mıssııasynyń geografııasyn keńeıtti
Ótip bara jatqan jyldyń ishinde Qazaqstan bitimgershilik mıssııasy geografııasyn keńeıtti. Bul týraly Qorǵanys mınıstriniń orynbasary, general-leıtenant Sultan Kamaletdınov aıtty, dep habarlaıdy Kazinform.
Ortalyq kommýnıkatsııalar qyzmetindegi brıfıng barysynda spıker elimizdiń Qarýly kúshteriniń áskerı qyzmetshileri 24 halyqaralyq oqý-jattyǵý men jarystarǵa, onyń ishinde baqylaýshy retinde de qatysqanyn atap ótti.
«2018 jylǵa deıin Qazaqstan Respýblıkasynyń mindettemeleri baqylaýshy jáne shtab elementteri retinde ǵana BUU mıssııalaryna qatysýmen shekteldi. Búgingi tańda BUU-nyń Lıvandaǵy mıssııasynyń úndi bitimgershilik batalony quramynda qazaqstandyq bitimgershilik bólimsheni ornalastyrý tájirıbesi bar. Baıqaýshylar men shtab ofıtserleriniń bitimgershilik mıssııasyna qatysýynyń sandyq quramy keńeıtildi», — dedi general-leıtenant.
Sultan Kamaletdınovtiń aıtýynsha, osy ýaqyt aralyǵynda qazaqstandyq bitimger bólimshesinde 607 áskerı qyzmetshi qyzmet atqardy.
Onyń ishinde 7 áıel bar.
Qazirgi ýaqytta Qazaqstan Qarýly kúshteriniń bitimger mıssııalaryna 19 áskerı qyzmetshi qatysyp júr.
