Qazaqstan bitimger rólin jalǵastyrady — Memleket basshysy
NЬıÝ-IORK. KAZINFORM — Bizdiń tańdaýymyz: ústemdik emes — tepe-teńdik, jiktelý emes — yntymaqtastyq, soǵys emes — beıbitshilik. Bul týraly BUU Bas Assambleıasy 80-shi sessııasynyń Jalpy debatynda Qazaqstan Prezıdenti Qasym-Jomart Toqaev málim etti.
— Qazaqstan araaǵaıyndyq jáne bitimger rólin jalǵastyrady. Bizdiń tańdaýymyz: ústemdik emes — tepe-teńdik, jiktelý emes — yntymaqtastyq, soǵys emes — beıbitshilik. Biz halyqaralyq qoǵamdastyqtyń basqa da múshelerimen birlese otyryp, Birikken Ulttar Uıymynyń beıbitshilik, ádilettilik jáne yntymaqtastyq shamshyraǵy ekenin rastaýǵa daıynbyz, — dedi Memleket basshysy.
Buǵan deıin habarlaǵanymyzdaı, Memleket basshysy BUU Bas Assambleıasynyń mereıtoılyq 80-sessııasynyń Jalpy debattyń ashylýyna qatysyp otyr.
Prezıdent Qasym-Jomart Toqaevtyń Nıý-Iork tórinde BUU minberinen sóılegen sózin Jibek Joly arnasy tikeleı efırde kórsetti.