Qazaqstan birneshe elmen vızasyz rejımdi talqylap jatyr

ASTANA. KAZINFORM – QR Syrtqy ister mınıstrligi vızasyz rejımdi engizýge qatysty birneshe elmen kelissózdi jalǵastyryp jatqanyn málimdedi.

Qazaqstan Syrtqy ister mınıstrliginiń resmı ókili Aıbek Smadııarovtyń aıtýynsha, qazir elimiz vızasyz rejım boıynsha birneshe elmen kelissóz júrgizip jatyr. 

Mınıstrliktegi aptalyq baspasóz máslıhatynda tilshiler neshe elmen bul taqyryp talqylanyp jatqanyn surady. Bul turǵyda ol kelissóz 5-ten astam memleketpen júrip jatqanyn aıtty.

«Meniń oıymsha, aldaǵy ýaqytta bul baǵyttaǵy jumystarda ilgerileý bolady. Keıingi 2-3 jylda birneshe elmen vızasyz tártipke qol qoıdyq», - dedi A. Smadııarov.

Eske salsaq, bıyl naýryz aıynda Qazaqstan men Kıpr Syrtqy ister mınıstrleri vızasyz rejımdi engizýdi, sondaı-aq eki el arasyndaǵy tikeleı áýe qatynasynyń perspektıvalaryn talqylady.