Qazaqstan Birikken ıadrolyq zertteýler ınstıtýtymen yntymaqtastyqty nyǵaıtyp keledi
ASTANA. KAZINFORM — Úkimette QR Premer-mınıstriniń orynbasary — mádenıet jáne aqparat mınıstri Aıda Balaevanyń Birikken ıadrolyq zertteýler ınstıtýtynyń Bas dırektory Grıgorıı Trýbnıkov bastaǵan delegatsııasymen kezdesýi ótti. Bul týraly Úkimettiń baspasóz qyzmeti habarlady.
Birikken ıadrolyq zertteýler ınstıtýty — ıadrolyq fızıka, joǵary energııalar fızıkasy jáne basqa da salalar boıynsha irgeli ári qoldanbaly zertteýler júrgizý maqsatynda 1956 jyly qurylǵan halyqaralyq úkimetaralyq ǵylymı uıym. Qazaqstan atalǵan ınstıtýtqa 1992 jyldan beri múshe.
Kezdesý barysynda taraptar Qazaqstan men ınstıtýt arasyndaǵy yntymaqtastyqtyń qazirgi jaı-kúıi men aldaǵy perspektıvalaryn, sondaı-aq ǵylymı kadrlar daıarlaý jáne birlesken zertteý jobalaryn iske asyrý máselelerin talqylady.
Aıda Balaeva ınstıtýt ujymyn 70 jyldyq mereıtoıymen quttyqtap, onyń álemdik ǵylymnyń damýyna qosyp kele jatqan eleýli úlesin atap ótti.
Búginde qazaqstandyq ǵalymdar ınstıtýttyń biregeı zertteý ınfraqurylymyn paıdalanyp, iri halyqaralyq ǵylymı jobalarǵa qatysýǵa jáne kásibı quzyretterin arttyrýǵa múmkindik alyp otyr. Birikken ıadrolyq zertteýler ınstıtýtyndaǵy Qazaqstan Respýblıkasynyń ulttyq toby 84 mamannan turady jáne san jaǵynan ekinshi orynda.
Kezdesý qorytyndysy boıynsha taraptar yntymaqtastyqty odan ári nyǵaıtýǵa, ǵylymı almasýdy keńeıtýge jáne jańa birlesken jobalardy júzege asyrýǵa múddeli ekenderin rastady.
Aıta ketelik Qazaqstan men Reseı ıadrolyq qaýipsizdik boıynsha jańa jospar qabyldaǵan edi.
