Qazaqstan birqatar halyqaralyq baıqaýlarda úzdik atandy
ASTANA. KAZINFORM – «Smart Data Ukimet» (SDU) aqparattyq-taldaý júıesi 2023 jylǵy bedeldi Future of Government Awards marapatynda Open Source Adaption sanatynda TOP-3 (highly recommended) qataryna endi. Bul týraly TsDIAÓM baspasóz qyzmeti málim etti.
Álemniń 50 elinen 300 jobanyń ishinde SDU jobasyn uıymdastyrýshylar — BUUDB, Public Digital jáne AWS ınstıtýty atap ótti, jáne basqa elderde paıdalanýǵa usynylady. Bul Qazaqstan úshin mańyzdy jetistik, onyń álemdik ınnovatsııalarǵa qosqan úlesine dálel.
The Future of Government Awards tsıfrlyq sheshimder men tehnologııalar arqyly adamdardyń ómirin ózgertetin praktıkterdi, toptardy jáne kóshbasshylardy atap ótedi.
Sondaı-aq, jaqynda «Otbasynyń tsıfrlyq kartasy» jobasy Dýbaıda ótken dúnıejúzilik úkimettik sammıttiń álemdik arenasynda 1300 ótinimniń ishinen «Inklıýzıvti tsıfrlyq transformatsııa» sanatynda laıyqty dep tanyldy. Bul — memlekettik qyzmetterdiń sapasyn jaqsartýǵa jáne otbasylardyń ál-aýqatyn qamtamasyz etýge ınnovatsııalyq tásilderdiń mańyzdylyǵyn erekshelep kórsetedi. Bul marapat Eńbek jáne áleýmettik qorǵaý mınıstrligi men Qazaqstandaǵy BUUDB -ń birlesken tabysty jumystyń nátıjesi.
«Otbasynyń tsıfrlyq kartasy — bul halyqtyń osal toptaryna jedel memlekettik qoldaý kórsetýge baǵyttalǵan jetekshi govtech sheshim. Ol azamattardyń qatysýynsyz otbasylardyń osaldyǵyn baǵalaý boıynsha úkimettiń kúsh-jigerin ońtaılandyrady. Osylaısha, azamattardyń memlekettik qyzmetterdiń ınternet-platformalaryna kirý múmkindigi bolmaǵan jaǵdaıda da qoldaý sharalary avtomatty túrde qamtamasyz etiledi. Otbasynyń tsıfrlyq kartasynyń jumys prıntsıpi barynsha qarapaıym: memlekettik qyzmet kórsetýge kelisim alý úshin memlekettik qoldaýdyń áleýetti alýshysyna SMS habarlama jiberiledi. Eger olar kelisse, alýshylarǵa keıinnen olardyń banktik shotyna aýdara otyryp, áleýmettik járdemaqy, tólem nemese qoldaýdyń basqa túri taǵaıyndalady. Bul joba naqty ýaqyt derekterine súıene otyryp, memleket qarajatyn tıimdirek bólýge jáne áleýmettik kómekti dálirek kórsetýge kómektesedi» - dep habarlaıdy atalǵan mınıstrliktiń baspasóz qyzmeti.
BAÁ qurǵan GovTech Prize bastamasy memlekettik saladaǵy ınnovatsııalyq sheshimderdi taný men yntalandyrýda mańyzdy ról atqarady. Bul tájirıbe almasýǵa jáne búkil álemdegi memlekettik organdar arasynda ozyq tájirıbelerdi taratýǵa yqpal etedi, bul saıyp kelgende halyqtyń ómir súrý sapasyn jaqsartýǵa yqpal etedi.
BAÁ Qazaqstanda tsıfrlyq tehnologııalardyń kómegimen áleýmettik qyzmetter kórsetýdi transformatsııalaýdy júıeli túrde ilgeriletýde. «Otbasynyń tsıfrlyq kartasy» Qazaqstandaǵy BUU Damý baǵdarlamasynyń arnaıy qoldaýymen BUU-nyń «Koronavırýstyq ınfektsııanyń saldaryna den qoıý jáne qalpyna keltirý sharalary» kópjaqty trasttyq qorynyń qarjylandyrýy aıasynda júzege asyryldy.
Aqparat úshin:
Smart Data Ukimet — bul 87 derekter bazasy biriktirilgen memlekettik derekter kóli. SDU-de vedomstvoaralyq analıtıkany óte jyldam qurýǵa múmkindik beretin derektermen jumys isteýge arnalǵan kóptegen quraldar bar. Bul ónim barlyq bıýrokratııalyq máselelerdi sheshe otyra, úlken derekterge negizdelgen sheshimder qabyldaýdyń tehnologııalyq negizin jasady.
Open Source Adaption – bul júlde bar ıdeıalardy qaıta paıdalaný men beıimdeýdiń mańyzyn kórsete alǵan, bastapqy ashyq kodty sheshimdi jańa tásildermen sátti paıdalanǵan uıymǵa beriledi. Ol basqalardan úırenetin jáne bastapqy ashyq kodty sheshimder tájirıbesine súıenetin Úkimettiń kóshbasshylyǵyna basa nazar aýdarady.
GovTech Prize — memlekettik qyzmetter salasyndaǵy ozyq sheshimderdi anyqtaýǵa jáne tanýǵa baǵyttalǵan bastama 2014 jyly BAÁ Premer-Mınıstri keńsesiniń bastamasymen iske qosyldy.
