Qazaqstan birqatar elmen avtokólikpen júk tasymaldaý salasynda kelisim jasaıdy

Elimizge halyqaralyq júk tasymalynda jumys isteıtin iri operatorlardyń ókildikteri tartylady. Bul týraly Úkimet otyrysynda Kólik vıtse-mınıstri Sátjan Ablalıev aıtty, dep habarlaıdy Kazinform.

«Otandyq tasymaldaýshylardyń básekelestikke qablettigin arttyrýdyń birden-bir tetigi ol - avtokólik quraldarynyń jetkilikti deńgeıde bolýy. Aldaǵy jyldary kólik parkin 2 esege ulǵaıtý úshin tómendegideı sharalardy qabyldaý josparlanyp otyr. Olar: elimizge halyqaralyq tasymalda jumys isteıtin iri operatorlar ókildikterin tartý, halyqaralyq tasymaldaý úshin avtokólik satyp alýǵa jeńildetilgen jaǵdaılar jasaý, tartqysh kólikterdiń otandyq óndirisin damytý, Arab Ámirlikterimen, Danııamen, Makedonııamen jáne Portýgalııamen avtotasymaldaý salasynda úkimetaralyq kelisimder jasasý», - dedi Sátjan Ablalıev.

Onyń atap ótýinshe, Arab Ámirliktermen kelisimge otyrý otandyq tasymaldaýshylar úshin Parsy shyǵanaǵy porttaryna, Úndistan, Pákistan jáne basqa da elderdiń júk naryǵyna shyǵýdy qamtamasyz etedi.

«Sondaı-aq, sheteldik ruqsat blankilerin taratýdyń avtomattandyrylǵan júıesin engizý arqyly adal básekelestikke jaǵdaı jasalady», - dedi ol.