Qazaqstan-Brıtan tehnıkalyq ýnıversıtetiniń ǵımaraty memleket menshigine ótti
ALMATY. KAZINFORM – NNEF qoǵamdyq qory Almatydaǵy Qazaqstan-Brıtan tehnıkalyq ýnıversıteti (QBTÝ) ornalasqan ǵımaratty óz erkimen jáne óteýsiz negizde memlekettik menshikke berdi.
Qujatqa sáıkes, QBTÝ aktsııalary áli de NNEF qorynyń menshiginde saqtalady.
Qazirgi ýaqytta Qor Almaty ákimdigimen ǵımaratty ýnıversıtetke senimgerlik basqarýǵa berý týraly kelissózderdi jalǵastyryp jatyr.
– QBTÝ-dyń tarıhı ǵımaraty Almaty men Qazaqstan úshin mańyzdy sáýlettik jáne mádenı qundylyq bolyp esepteledi. Onyń memlekettik menshikke ótýi obektini uzaq merzimdi saqtaýǵa jáne uqypty basqarýǵa baǵyttalǵan jaýapty sheshim retinde baǵalanady, - delingen habarlamada.
Qor men QBTÝ ýnıversıtettiń tehnıkalyq bilim berý salasyndaǵy kóshbasshylyǵyn nyǵaıtýǵa arnalǵan damý strategııasyn ázirlep, iske asyryp jatyr.
– Strategııa aıasynda stýdentter men oqytýshylarǵa zamanaýı jáne qolaıly jaǵdaılar jasaıtyn jańa oqý kampýsy salynady, - dep habarlady NNEF qoǵamdyq qory.
Eske salaıyq, buǵan deıin QBTÝ menshik ıesi týraly másele Joǵarǵy sotta qaralyp jatqanyn habarlaǵanbyz.
