Qazaqstan-Brıtan saıası konsýltatsııasy ótedi
ASTANA. QazAqparat - 4-5 jeltoqsanda Londonda qazaqstandyq-brıtandyq saıası konsýltatsııa ótedi. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«Syrtqy ister mınıstriniń orynbasary Roman Vasılenko 4-5 jeltoqsan aralyǵynda ekijaqty strategııalyq dıalog aıasyndaǵy kezekti Qazaqstan-Brıtan saıası konsýltatsııalaryn ótkizý úshin Londonǵa jumys saparymen barady. Sapar barysynda Ulybrıtanııanyń Eýropa men Amerıka máseleleri jónindegi memlekettik mınıstri Alan Dankanmen, Qazaqstanmen yntymaqtastyq jónindegi Búkilparlamenttik tobynyń tóraǵasy Bob Stıýartpen, iskerlik toptar ókilderimen, Qazaqstan-Brıtan qoǵamynyń múshelerimen jáne Chatham House taldama ortalyǵynyń basshylyǵymen jeke kezdesýler josparlanýda»,- dedi resmı ókil.
Sonymen qatar, onyń dereginshe, sapar barysynda Roman Vasılenko Halyqaralyq qatynastar boıynsha eýrazııalyq keńestiń Qamqorshylyq keńesiniń jyl saıynǵy otyrysyna qatysady.
«Atalǵan keńestiń quramyna Eýropalyq odaqtyń joǵary laýazymdy ókilderi, Eýropa elderiniń birqatar burynǵy memleket jáne úkimet basshylary, syrtqy ister mınıstrleri, iri eýropalyq kompanııalardyń, taldaý ortalyqtarynyń jáne buqaralyq aqparat quraldarynyń ókilderi kiredi. Bul is-sharanyń aıasynda jahandyq jáne óńirlik kún tártibindegi ózekti máseleler boıynsha dástúrli paneldik pikirtalastar ótedi», - dedi Aıbek Smadııarov.
