Qazaqstan-Brıtan saýda-ónerkásip keńesiniń teń tóraǵasy D.Stattard Qazaqstanǵa saparmen keledi
ASTANA. Sáýirdiń 5-i. QazAqparat /Rýslan Ǵabbasov/ - Sáýirdiń 5-i men 9-y aralyǵynda Qazaqstan-Brıtan saýda-ónerkásip keńesiniń teń tóraǵasy Djon Stattard bıznes-delegatsııa quramymen Qazaqstanǵa saparmen keledi. Bul týraly búgin Astanada ótken brıfıngte QR Syrtqy ister mınıstrliginiń baspasóz hatshysy Іlııas Omarov málim etti,
dep habarlaıdy QazAqparat.
«Sapar barysynda Almaty men Astana qalalarynda mańyzdy kezdesýleri josparlanǵan, onyń ishinde mınıstrlikter men vedomstvolardyń, sondaı-aq ulttyq kompanııalardyń basshylyqtarymen júzdespek»,- dedi І. Omarov.
«Kelissózder barysynda taraptar yntymaqtastyqtyń aǵymdaǵy ahýaly men ekonomıkalyq perspektıvalaryn, sonymen qatar Qazaqstan-Brıtan saýda-ónerkásip keńesiniń 13-shi otyrysynda qol jetkizgen ýaǵdalastyqtardyń oryndalýyn talqylaıdy jáne kezekti otyrystyń kún tártibi men ótkizý merzimin anyqtaıdy», - dedi baspasóz hatshysy.
