Qazaqstan boıynsha jumyssyzdyqtyń eń tómengi kórsetkishi Astanada tirkelgen
ASTANA. QazAqparat - Qazaqstan boıynsha jumyssyzdyqtyń eń tómengi kórsetkishi Astanada tirkelgen. Bul týraly búgin Ortalyq kommýnıkatsııalar qyzmetindegi baspasóz máslıhatynda Astana qalasynyń jumyspen qamtý jáne áleýmettik baǵdarlamalar basqarmasy basshysynyń orynbasary Olga Demýshkan málim etti.
«Búginde ekonomıkalyq belsendi halyqtyń sany 428 myńǵa jetti, ózin-ózi jumyspen qamtyǵandar - 22 myń. Jumyssyzdyq deńgeıi 0,6 paıyzǵa tómendep, 4,6 paıyzdy qurady. Bul óz kezeginde búginde Astanaǵa kóshbasshy (Qazaqstan boıynsha) pozıtsııada turaqtaýǵa múmkindik berdi», - dedi O. Demýshkan.
Onyń aıtýynsha, qazirgi kezde elordada halyqty jumyspen qamtýdyń 2015 jylǵa arnalǵan keshendi jospary júzege asyrylýda. Osy oraıda qyzmetinen bosaǵan jumysshylardy eńbekpen qamtýǵa negizdelgen sharalar atqarylýda.
Bul jospardy júzege asyrý aıasynda 7 myńnan astam adamdy qamtý josparlanyp otyr.
