Qazaqstan boıynsha jol erejesin buzý oqıǵasyn tirkeıtin 800 kamera jumys isteıdi
ASTANA. QazAqparat - Qazaqstan boıynsha jol erejesiniń buzylýyn tirkeıtin 800 kamera jumys isteıdi. Bul týraly búgin QR Parlamenti Májilisinde ótken dóńgelek ústel barysynda QR ІІM Ákimshilik polıtsııasy komıteti tóraǵasynyń orynbasary Álibek Keńesbaev málim etti.
«Jol qozǵalysyn baqylaýdyń avtomattandyrylǵan júıesi engizilýde. Búgingi kúni elimizdiń joldarynda jol júrý erejesiniń buzylýyn tirkeıtin 800 kamera ornatylǵan. Buǵan qosa, Qazaqstannyń 14 qalasynda 50 kóshe qıylysynda ıntellektýaldy júıe jumys istep tur. Tolyqtaı alǵanda, mundaı júıelerdi qoldaný jol qozǵalysyn baılanyssyz baqylaýǵa kóshýge múmkindik beredi jáne baqylaýǵa alynǵan ýchaskedegi jol-kólik apaty sanyn tómendetedi», - dedi Á.Keńesbaev.
Aıta keteıik, buǵan deıin tek elordada ǵana quqyqtyq tártipti syrttaı qadaǵalaıtyn 1100 beınekamera jumys isteıtindigi habarlanǵan bolatyn. Bolashaqta «Smart Astana» jobasy aıasynda búkil qalany 10 myńnan astam kameramen jabdyqtaý josparlanǵan.
