Qazaqstan boıynsha tranzıttik tasymaldardyń derekter bazasy avtomattandyryldy
Synaqtar aıaqtalyp, kólik derekteri bazasynyń aqparattyq-taldaý júıesin (ATSTBJ) ónerkásiptik paıdalanýǵa engizý aktisine qol qoıyldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.
Aqparattyq tehnologııalar jáne qoldanbaly ınformatıka tasymaldaý qaýipsizdiginiń deńgeıin arttyrýǵa, derekterdiń biryńǵaı shoǵyrlandyrylǵan bazasyn qalyptastyrýǵa, onyń ishinde respýblıka aýmaǵynda trazıttik tasymaldar týraly aqparatty jınaý men óńdeýdi avtomattandyrýǵa arnalǵan.
Biryńǵaı shoǵyrlandyrylǵan derekqor QR IIDM Kólik komıtetiniń barlyq bólimshelerinen, teńiz jáne shaǵyn kólemdi kemelerdiń ıelerinen, temirjol kóligi ıelerinen, sondaı-aq avtokólikpen tasymaldaý boıynsha aqparatty jedel alý esebinen naqty ýaqyt jaǵdaıynda jınaqtalady.
Júıege «Memlekettik tehnıkalyq qyzmet» AQ synaq júrgizdi. Bastapqy kodtardy taldaý, aqparattyq qaýipsizdik fýnktsııalaryn synaý, júktemelik synaý, jelilik ınfraqurylymdy jáne aqparattyq qaýipsizdikti qamtamasyz etý protsesterin zertteý jaǵdaıy qamtyldy. 2021 jylǵy 25 mamyrda Aqparattyq qaýipsizdik talaptaryna sáıkestigi týraly oń akt alyndy.
Kólik derekqorynyń aqparattyq-taldaý júıesin ázirleý 2006 jyly bastalǵan bolatyn.
