Qazaqstan boıynsha qamtymdylyǵy 312 myń tonnany quraıtyn jemis pen kókónis saqtaý qoımasy bolýy tıis - «QazAgro» holdıngi

bsp; Mamyrdyń 6-sy. QazAqparat /Qanat Mámetqazyuly/ ‑ Qazaqstan boıynsha qamtymdylyǵy 312 myń tonnany quraıtyn jemis pen kókónis saqtaý qoımalary bolýy tıis. Bul týraly «QazAgro» ulttyq basqarýshy holdıngi» AQ Basqarma tóraǵasynyń orynbasary Berik Beısenǵalıev málim etti,

dep habarlaıdy QazAqparat.

«Jalpy, Qazaqstan boıynsha 312 myń tonna mólsherdegi jemis pen kókónisti saqtaý qoımasy bolýy tıis. Búginge deıin «QazAgro» holdınginiń enshiles kompanııalary arqyly 5 jemis saqtaý qoımasyn salý jobalary maquldandy. Bulardyń jemis pen kókónis saqtaýdaǵy eń joǵarǵy qamtymdylyǵy 15-16 myń tonnany quraıtyn bolady. Sondyqtan áli de bolsa osy baǵytta birshama sharalar qabyldanýy shart», dedi Holdıngtiń Basqarma tóraǵasynyń orynbasary Berik Beısenǵalıev.

Esterińizge sala keteıik, búgin «QazAgro» ulttyq basqarýshy holdıngi» AQ basqarmasynyń ashyq otyrysy barysynda Investıtsııalyq baǵdarlamalar talqylanyp, onda elimizdiń soltústik oblystarynda eki jemis qoımasyn salý jobalary qarastyrylǵan bolatyn. Atap aıtqanda, «Ermek ı K» JShS jobasy boıynsha Pavlodar oblysynda 3 myń tonna, al «Aqtoǵaı-Agro» JShS jobasy boıynsha Qostanaı oblysynda jalpy aýqymy 7 myń 50 tonna kókónis saqtaıtyn qoıma salý josparlanǵan.

«Eger bul jobalar da maquldansa, onda respýblıkamyzdaǵy jemis saqtaıtyn qoımalar qýaty 25-26 myń tonnaǵa jýyqtaıdy. Degenmen, elimiz boıynsha áli de jemis qoımalary jetkiliksiz bolatyny kórinip tur», dedi B. Beısenǵalıev.