Qazaqstan boıynsha balalardyń 28%-y semizdikke shaldyqqan - Taǵamtaný akademııasy
ASTANA. QazAqparat - Qazaqstan boıynsha orta eseppen balalardyń 28%-ynda, al keıbir óńirlerde sol aımaqtaǵy balalardyń 33%-ynda artyq salmaq bar. Bul týraly búgin Astana qalalyq bilim basqarmasy men "Nestle fýd Qazaqstan" kompanııasy birge qolǵa alǵan "Salaýatty tamaqtaný mektebi" jobasyna arnalǵan baspasóz máslıhaty barysynda medıtsına ǵylymdarynyń doktory, Qazaq taǵamtaný akademııasy Tamaqtaný problemalary ınstıtýtynyń dırektory Erbolat Dəlenov məlim etti.
"Jalpy, densaýlyqty saqtaý úshin eń birinshi durys tamaqtaný kerek, sonymen qatar, balaǵa fızıkalyq salmaq túsýi kerek. Qazir balalar durys tamaqtanbaıdy, olarǵa təttini kóp beremiz. Mektepte tətti tamaqtardy, mysaly, shokolad pen gazdalǵan sýsyndardy satýǵa tyıym salsaq ta, sabaqtan shyqqannan keıin bəribir gazdalǵan sý iship, tətti jeıdi. Keshke úıge kelgen balany ata-anasy toıdyryp tamaqtandyrady. Al adam aǵzasy óte «aqyldy», bala kúni boıy durys tamaq ishpeı, úıine baryp toıyp tamaqtanǵanda, aǵzasy avtomatty túrde maı jınaı bastaıdy, sebebi, erteń taǵy kúndiz boıy aǵza durys tamaqtanbaıdy dep oılaıdy. Osylaısha, maı qorlary jınala bastaıdy. Buny ǵylymı túrde zerttep, ata-analar men oqýshylarǵa aıtyp júrmiz" - deıdi E.Dəlenov. E.Dəlenov elimiz boıynsha artyq salmaǵy bar balalardyń kóbeıip bara jatqanyna alańdaıdy. "Qazaqstan boıynsha artyq salmaǵy bar balalardyń sany jyldan jylǵa kóbeıip keledi. Sońǵy bes jylda keıbir óńirlerde artyq salmaǵy bar balalardyń sany eki esege artqan. Negizi, Qazaqstan boıynsha balalardyń 28 paıyzynda, al keıbir óńirlerde 33 paıyzynda artyq salmaq kezdesedi. Artyq salmaq densaýlyqty buzady, eger bala artyq salmaqtan arylmasa, bolashaqta qant dıabetine shaldyǵýy múmkin", - deıdi taǵamtaný mamany.
