Qazaqstan boıynsha Azıada oıyndaryna bılet satatyn 70-ten astam núkte ashyldy
ASTANA. 22 qańtar. QazAqparat /Gúlnár Jandaǵulova/ - Qazaqstan boıynsha VII qysqy Azııalyq oıyndarǵa bılet satatyn 70-ten astam núkte ashyldy, dep habarlady Azıadanyń uıymdastyrý komıtetinen.
«Azıada oıyndarynyń is-sharalaryna bıletter satatyn 70-ten astam núkte jumys istep jatyr, onyń 25-i - Astana qalasynda, 21-i - Almaty qalasynda ornalasqan», delingen komıtettiń baspasóz qyzmetiniń habarlamasynda,
Qalǵan 25 núkte respýblıkanyń 14 qalasynda uıymdastyrylyp otyr.
Astanada bıletterdi Beıbitshilik jáne kelisim, «Jastar», «Kongress-holl» saraılarynda, «Meloman» dúkender jelisinde, «Mega», «Kerýen», «Han Shatyr», «Saryarqa», «Azııa-park» keshenderinde satyp alýǵa bolady.
Azıada uıymdastyrý komıtetiniń resmı saıty - www.astana-almaty2011.kz men «Meloman» dúkender jelisiniń saıtynda - www.meloman.kz - on-line satylym qarastyrylǵan.
Azıadanyń ashylý rásimi bıletteriniń quny - 7500 teńge men 15 myń teńgeniń aralyǵynda bolsa, jarys bıletteriniń quny 750 teńge men 4 myń teńgeniń (hokkeı fınaly) aralyǵynda.
