Qazaqstan boıynsha aýdandyq onkologtar sany 350-ge deıin artty
Sharaǵa oblystardyń, Astana jáne Almaty qalalarynyń densaýlyq saqtaý basqarmalarynyń ókilderi, onkologııalyq dıspanserlerdiń bas dárigerleri men olardyń orynbasarlary, Qazaqstannyń barlyq aımaqtarynan kelgen onkologtar men mammologtar, barlyǵy 330-ǵa jýyq maman qatysty.
Onkologııalyq qyzmettiń ózekti máselelerin talqylaýǵa QR Parlamenti Májilisiniń depýtaty Aıtgúl Samaqova, QR Densaýlyq saqtaý jáne áleýmettik damý mınıstrligi medıtsınalyq kómekti uıymdastyrý departamentiniń dırektory Gúlnár Qulqaeva, elimizdiń bas onkology, Qazaq onkologııa jáne radıologııa ǴZI dırektory Qýanysh Nurǵazıev qatysty.
«Onkologtardyń alǵashqy semınar-keńesi 2011 jylǵy qazanda Astanada ótken bolatyn. Bul Qazaqstannyń barlyq aýdandyq onkologtary bas qosqan tuńǵysh jıyn boldy. Sharada aldaǵy ýaqyttaǵy onkoqyzmetti jetildirý joldary talqylandy. Aýdandyq onkologtar men mammologtardyń II respýblıkalyq semınary otandyq sala mamandarynyń mańyzdy bas qosýy bolmaq. Respýblıkamyzdaǵy onkologııalyq qyzmettiń negizi - salanyń alǵashqy býyny bolyp tabylatyn oblystar men aýdandardyń dárigerleri men mamandary»,- deıdi Qýanysh Nurǵazıev.
Semınar-keńes aıasynda onkologııalyq qyzmet pen ambýlatorııalyq-emhanalyq uıymdardyń jumysyn biriktirý; onkologııalyq, mammologııalyq, erler jáne áıelderdi qaraý kabınetteriniń jumysyn jandandyrý; 65 jáne odan joǵary jastaǵy turǵyndar arasynda qaterli isikti erte satysynda anyqtaý úshin skrınıngtik jáne obyrdyń aldyn alý baǵdarlamalaryn júzege asyrý; QR onkologııalyq qyzmet salasyna monıtorıng jáne baǵalaý júıesin engizý; qaterli dertke shaldyqqan naýqastarǵa medıtsınalyq-áleýmettik qyzmet kórsetý syndy ózekti máseleler qaraldy.
Sonymen qatar, QR onkoqyzmetin arttyrýǵa úles qosqan aýdandyq onkologtar Qazaqstan Respýblıkasy Densaýlyq saqtaý jáne áleýmettik damý mınıstrliginiń tósbelgileri jáne Qurmet gramotalarymen marapattaldy.
2012-2016 jyldarǵa arnalǵan QR onkologııalyq kómekti jetildirý baǵdarlamasy» aıasynda 101 onkologııalyq, 273 mammologııalyq, 18 proktologııalyq kabınetter ashylady. Búgingi tańda bul kabınetterdiń jumysyn jandandyrý áli de kún tártibinde tur. Atalmysh kabınetter qaterli isiktiń aldyn alý men ony erte satysynda anyqtaýda mańyzdy bolyp otyr. Elimizde aýdandyq onkologtardyń sany 350-ge (2011 j. - 263), mammologtar 207-ge (2013 j. - 166) deıin artty.
Resmı málimetterke súıensek, 2015 jyldyń 6 aıynda 17 130 qaterli isikke shaldyqqan naýqas tirkeldi. Onyń 55,4% I-II satysyndaǵylar. Soltústik, Shyǵys Qazaqstan men Pavlodar oblysynda obyr derti joǵary kórsetkishke ıe.