Qazaqstan boıynsha 2,4 mln adam revaktsınalaýdan ótken

NUR-SULTAN. QazAqparat – Qazaqstan boıynsha ekpe alýǵa tıisti halyqtyń 52,6 paıyzy revaktsınalaýdan ótken, dep habarlaıdy QazAqparat tilshisi.

Bul týraly QR Densaýlyq saqtaý mınıstri Ajar Ǵınııat málim etti.

«Osy aıda ınfektsııalyq tósekterdiń qamtylýy 38%-dan 17%-ǵa deıin nemese 2,2 ese, reanımatsııalyq tósekterdiń qamtylýy 20%-dan 14%-ǵa deıin nemese 6% tómendedi.

Búgingi tańda eresek halyqtyń 82,1%-y koronavırýs ınfektsııasyna qarsy ekpeniń birinshi komponentin aldy. Bul Qazaqstan halqynyń 53,4%-yn quraıdy.

Ekinshi komponentti 9,4 mln adam qabyldady, bul ekpe alýǵa tıisti halyqtyń 78,5%-y jáne respýblıka halqynyń 49,9%-y», - dedi vedomstvo basshysy.

Onyń sózine qaraǵanda, jyl basynan beri el arasynda revaktsınatsııa deńgeıiniń ósýi baıqalyp otyr.

«Búgingi kúni 2,4 mln adam revaktsınatsııa aldy, bul egilýge tıisti kontıngenttiń 52,6%-yn quraıdy. Ujymdyq ımmýnıtettiń qazirgi deńgeıin saqtaý úshin revaktsınatsııa deńgeıin tómendetpeýimiz qajet», - dedi Ajar Ǵınııat.