Qazaqstan boıynsha jel kúsheıip, tuman túsedi – Qazgıdromet

ASTANA. KAZINFORM – «Qazgıdromet» RMK-sy elimizdegi kún raıy boljamyn jarııalady.

Kásiporyn taratqan derekterge qaraǵanda, tsıklon jyrasynyń jáne oǵan baılanysty atmosferalyq aǵyndardyń áserinen eldiń kóp bóliginde qar jaýady.

Qazaqstannyń batysy men ońtústiginde ǵana antıtsıklon silemi jaýyn-shashynsyz aýa-raıyn anyqtaıdy. El boıynsha jel kúsheıedi, tuman, batysynda, ońtústiginde kóktaıǵaq bolady.

Osyǵan deıin QR AShM kúzgi jaýyn-shashynǵa qaramastan, egin shyǵynsyz jınalǵanyn habarlady.