Qazaqstan boıynsha tuman túsip, jel kúsheıedi – Qazgıdromet

ASTANA. KAZINFORM – Sınoptıkter 7 aqpanda Astanada jáne respýblıkanyń 17 oblysynda aýa raıyna baılanysty eskertý jarııalady. Bul týraly «Qazgıdromet» RMK málimdedi. 

Astanada soltústik-shyǵystan soǵatyn jeldiń ekpini 15-18 m/s.

Abaı oblysynyń ortalyǵynda tuman kútiledi. Soltústik-shyǵystan jel soǵady, ekpini - 15-20 m/s.

Semeı qalasyndaǵy Ertis ózeniniń gıdrologııalyq beketinde (Abaı oblysy) muzdyń jınalýy nátıjesinde sý deńgeıiniń kúrt kóterilýi baıqaldy. Sý deńgeıi 06.02.2025 j. 08:00 - 376 sm, 12:00 - 401 sm. Gıdrologııalyq postta sý deńgeıiniń áli de kóterilýi kútilýde.

Aqmola oblysynyń soltústigi men shyǵysynda tuman túsedi. Oblystyń batysynda, ońtústiginde, shyǵysynda soltústik-shyǵystan jel soǵady, ekpini - 15-20 m/s.

Aqtóbe oblysynyń ortalyǵynda qarly boran bolady. Soltústik-shyǵystan jel soǵady, soltústikte, ońtústikte, oblys ortalyǵyndaǵy jeldiń ekpini - 15-20. Muǵaljar aýdanynda keıde jeldiń ekpini 23-28 m/s deıin kúsheıedi. 

Almaty oblysynyń taýly aımaqtarynda kóktaıǵaq bolady. Almatyda joldarǵa muz qatady.

Atyraý oblysynda shyǵystan jáne soltústik-shyǵystan jel soǵady, oblystyń soltústiginde, shyǵysynda, ońtústiginde jel ekpini 15-20 m/s bolady.

Shyǵys Qazaqstan oblysynyń batysynda, soltústiginde jáne ońtústiginde tuman túsedi.

Jambyl oblysynyń taýly aımaqtarynda tuman túsedi. Soltústik-shyǵystan jel soǵady, oblystyń taýly aýdandarynda jel ekpini 15-20 m/s deıin jetedi.

Jetisý oblysynda soltústik-shyǵystan jel soǵady, Alakól kólderi aımaǵyndaǵy jeldiń ekpini 15-20 m/s deıin jetedi.

Batys Qazaqstan oblysynda shyǵystan jáne soltústik-shyǵystan jel soǵady, kúndiz oblystyń batysynda, ońtústiginde, shyǵysynda jel ekpini 15-20 m/s kúsheıedi.

Qaraǵandy oblysynyń batysynda jáne soltústiginde túnde burqasyn kútiledi. Túnde jáne tańerteń oblystyń shyǵysy men ońtústiginde tuman túsedi. Soltústik-shyǵystan jel soǵady, batysta, oblystyń soltústigindegi soǵatyn jeldiń ekpini - 15-20 m/s.

Qostanaı oblysynyń soltústigi men shyǵysyna tuman túsýi múmkin. Oblystyń ońtústiginde soltústik-shyǵystan jel soǵady, ekpini - 15-20 m/s. 

Qyzylorda oblysynda soltústikten jel soǵady, oblys ortalyǵyndaǵy soǵatyn jeldiń ekpini 15-20 m/s bolady.

Mańǵystaý oblysynda soltústik-shyǵystan soǵatyn jeldiń kúshi batysta, oblystyń soltústik-shyǵysynda 15-20 m/s jetedi.

Pavlodar oblysynyń ońtústiginde túnde jáne tańerteń tuman túsedi.

Soltústik Qazaqstan oblysynyń batysynda jáne soltústiginde tuman kútiledi. Kúndiz oblystyń ońtústiginde soltústik-shyǵystan jel soǵady, ekpini - 15-20 m/s.

Túrkistan oblysynyń ońtústiginde túnde jáne tańerteń tuman túsýi yqtımal. Soltústikten soǵatyn jel ekpini oblystyń taýly aýdandarynda 15-20 m/s jetedi.

Ulytaý oblysynda soltústik-shyǵystan jel soǵady, kúndiz shyǵystan soǵatyn jeldiń kúshi 15-20 m/s jetedi.

Aıta keteıik, búgin aýa raıyna baılanysty Aqtóbe jáne Qyzylorda oblystarynda jol jabyldy. QazAvtoJol kólik qozǵalysyn shekteý týraly shuǵyl aqparat jarııalady.