Qazaqstan bolashaqqa umtylǵan elge aınaldy - ShYU Bas hatshysy
MÁSKEÝ. QazAqparat - Qazaqstandyqtar, Qazaqstannyń dostary jáne eldiń jetistikterin, ár qadamyna qyzyǵýshylyqpen qaraıtyn mıllıondaǵan jandarǵa Memleket basshysy Nursultan Nazarbaevtyń aldaǵy kezekten tys prezıdenttik saılaýǵa túsýge kelisimin berýiniń mańyzy óte zor.
ShYU Bas hatshysy Dmıtrıı Mezentsev «QazAqparat» HAA jýrnalısine osyndaı pikirin bildirdi.
«Búginde Qazaqstan saılaýaldy kezeńde jáne qazirgi ýaqyt Qazaqstan Respýblıkasynyń saıası, áleýmettik-ekonomıkalyq ómirinde asa mańyzdy»,-dedi D. Mezentsev.
ShYU Bas hatshysynyń atap ótýinshe, «Qazaqstan syndarly syrtqy jáne ishki saıasatynyń arqasynda Shanhaı yntymaqtastyq uıymy keńistiginde, TMD elderimen ózara qarym-qatynasta, ózge de qoǵamdyq jáne halyqaralyq saıası, ekonomıkalyq birlestikter arasynda óziniń aıryqsha ornyna ıe boldy».
Sondaı-aq D.Mezentsev Astananyń damýy men órkendeýine erekshe toqtaldy. «Maǵan ótken jyly Astanada bolýdyń sáti tústi. Qala ǵajaıyp, bári de qalaısha sanaýly-aq jyldardyń ishinde tabıǵaty qatal aımaqta qalany túbegeıli ózgertip, sáýletti de eńseli astanany turǵyzǵan desip tańdanady. «Astana bolashaqtyń qalasy. Onyń tarıhynyń taǵy bir kezeńi EKSPO-2017» ekendigi de kezdeısoqtyq emes», - deıdi ol.
