Qazaqstan boksynyń jaryq juldyzy Vasılıı Jırov ıslam dinin qabyldady
ASTANA. QazAqparat - Táýelsiz Qazaqstannyń bokstan alǵashqy olımpıada chempıony, Vel Barker kýbogynyń ıegeri, birinshi aýyr salmaqta IBF tujyrymy boıynsha kásibı boksshylar arasynda burynǵy álem chempıony, otandyq bokstyń ańyzyna aınalǵan "Balqash jolbarysy" Vasılıı Jırov ıslam dinin resmı túrde qabyldady.
Bul týraly Feısbýkte "Qazaqstan kásibı boksy" habarlady
Vasılıı Jırov Id-ýl-Fıtr (Oraza Aıt), merekesi qarsańynda ıslam dinin qabyldady, dep habarlandy "Haziret Sultan" meshitiniń resmı saıtynda.
Instagramda rustam_abdussalamov atap ótkendeı, "keshe erekshe kún boldy... erekshe aıt! Ádettegideı tańǵy 5-te oıandyq, aıt namazyna bardyq, biraq osy joly menimen namazǵa Vasıa Jırov bardy, ol meniń janymda turdy, bir qatarda osyndaı erekshe kúnde, elordanyń ortalyq meshitinde ómirindegi alǵashqy namazyn oqydy!».
