Qazaqstan bokstan jastar arasyndaǵy Azııa chempıonatyna tolyq qurammen barady
ASTANA. QazAqparat - Qazaqstan bokstan jastar arasyndaǵy Azııa chempıonatyna tolyq qurammen qatysady, dep habarlaıdy QazAqparat.
«Bıylǵy chempıonat - jyldyń mańyzdy oqıǵalarynyń biri. Ol Jastar olımpıada oıyndarynyń qarsańynda ótetindikten, oǵan degen qyzyǵýshylyq asa zor. Óıtkeni jarys sportshylar úshin Olımpıada aldynda ózindik synaq alańy mindetin atqarady. Qazirge deıin 33 elden qatysýǵa ótinish keldi. 2014 jyly 16 el, 2016 jyly 18, byltyr 23 el qatysqanyn eskersek, bıyl qatysýshy elderdiń sany rekordtyq kórsetkishke jetýi múmkin», - deıdi Azııa boks konfederatsııasynyń atqarýshy dırektory Baqdáýlet Tórehanov.
Týrnırde 17-18 jastar aralyǵyndaǵy bozbalalar men qyzdar kúsh synaıdy. ıAǵnı bıylǵy jarys azııalyq qyzdar úshin alǵashqy qurlyqtyq týrnır, buǵan deıin osy jas sanatyndaǵy boksshy qyzdar tek álem chempıonatyna qatysqan bolatyn.
B. Tórehanov Azııada bokstyń jaqsy qarqynmen damyp kele jatqanyn tilge tıek etti. «Sońǵy jyldary buǵan deıin bokstyń damýy kenje qalyp kelgen Aýǵanstan, Býtan, Iemen, Kambodja, Laos, Lıvan, OAE, Nepal, Pákistan, Soltústik Koreıa sekildi elderdiń sportshylary da Azııa chempıonattaryna belsendi qatysa bastaǵany qýantady», - deıdi ol.
Eske sala keteıik, bokstan jastar arasyndaǵy Azııa chempıonaty Taılandta 2018 jylǵy 19-28 sáýir kúnderi ótedi. Qazaqstan osy týrnırge uldar jáne qyzdardyń tolyq quramdarymen qatysady.
