Qazaqstan bokstan álem chempıondary sany boıynsha segizinshi orynda
ASTANA. 26 jeltoqsan. QazAqparat - Qazaqstan aǵymdaǵy jyldyń qorytyndysy boıynsha bokstan barlyq salmaq dárejesinde álem chempıondarynyń sany boıynsha segizinshi orynda tur, dep habarlaıdy vesti.kz.
Chempıondar beldigine eki qazaqstandyq boksshy ıe. Olar: WBA-nyń sýper chempıondary Gennadıı Golovkın men Beıbit Shúmenov. Ulybrıtanııa chempıondary da ekeý eken - Karl Froch pen Rıkkı Berns.
Bul tizimde 11 álem chempıonymen AQSh kósh bastap tur. Kelesi orynda - Japonııa - segiz, Meksıka - jeteý, Reseıde tórt álem chempıony bar. Kýba, Germanııa men Fılıppınde 3 chempıonnan.
Bıylǵy jyly Meksıkanyń jetistigi aıtarlyqtaı tómendep qaldy, ótken jyly olardan 13 álem chempıony shyqqan. AQSh-ta da ótken jylǵy nátıjemen salystyrǵanda chempıondar sany ekeýge azaıyp qalǵan.
