Qazaqstan boksshysy Jan Kosobýtskıı qarsylasyn nokaýtqa jiberdi

NUR-SULTAN. QazAqparat – Qazaqstandyq boksshy Jan Kosobýtskıı (15-0, 14 KO) Germanııanyń Gambýrg qalasynda ótken boks keshinde kezekti jekpe-jegin ótkizdi, dep habarlaıdy QazAqparat tilshisi.

Sports.kz málimetinshe, jeńilip kórmegen asa aýyr salmaqtaǵy qazaqstandyq boksshy Jan Kosobýtskıı WBA International chempıony belbeýin qorǵaý úshin «tank» degen laqap aty bar amerıkalyq Djoýı Daveıkomen (21-8-4, 12 KO) judyryqtasty.

Asa aýyr salmaqtaǵy jekpe-jek 12 raýndqa sozylýy tıis bolatyn. Alaıda, amerıkalyq sońyna deıin shydaı almady. Qazaqstandyq ekinshi raýndta qarsylasyn nokaýtqa jiberdi.

Osylaısha, Jan Kosobýtskıı kásibı mansab jolynda 16-shy ret jeńiske jetti jáne ekinshi deńgeıli WBA ataǵyn sátti qorǵap qaldy. Al Djoýı Daveıko kásibı rıngte osymen 9-shy ret jeńilistiń aşy dámin tatty.