Qazaqstan boksshylary qansha júlde ákelýi múmkin – Serik Sápıevtiń boljamy

NUR-SULTAN. QazAqparat – Sport jáne dene shynyqtyrý isteri komıtetiniń tóraǵasy Serik Sápıev Tokıo Olımpıadasynda Qazqastan boksshylarynyń jetistigine boljam jasady, dep habarlaıdy QazAqparat tilshisi.

«Bokstan júlde alýǵa áli de úmitimiz bar. Úsh-tórt medal alýǵa bolady. Endi Sáken Bıbosynovtyń qarsylasy – Frantsııa boksshysy, ol óte myqty, odan ótse kelesi qarsylastarynyń deńgeıi frantsııalyqtaı bolmaıdy. Sosyn Ábilhan Amanquldyń, Qamshybek Qońqabaevtyń jáne Zákir Safıýllınniń qasrylastary aıtarlyqtaı kóshbasshylar emes, olardy jeńýge bolady. Sol úshin qalǵan tórt boksshymyz tórt medal ákelýi de múmkin», - dedi boksshy Ortalyq kommýnıkatsııalar qyzmetinde brıfıngte.

Aıta keteıik, +91 keli salmaqta mysyrlyq boksshy ıÝsrı Rezk Mustafa Hafezdi aıqyn basymdyqpen utqan Qamshybek Qońqabaev Olımpıada oıyndarynyń shırek fınalyna shyqty.

75 kelige deıingi salmaqta judyryqtasqan Ábilhan Amanqul ózbekstandyq Fanat Qahromonovpen kezdesip, Olımpıadany jeńispen bastady.

63 kelidegi Zákir Safıýllın perýlik Leodan Peso Saboııany 5:0 esebimen jeńdi.

Sonymen birge, 52 kelidegi Sáken Bıbosynov alǵashqy jekpe-jeginde Pýerto-Rıko elinen kelgen ıAnkel Rıvera Fıgeroany tize búktirdi. Ol endi 1/8 fınalda frantsııalyq Bılal Bennammen qolǵap túıistiredi.