Qazaqstan boksshysy álem chempıony tıtýly úshin ótken jekpe-jekte qarsylasyn nokaýtqa túsirdi

ASTANA. KAZINFORM—Qazaqstandyq boksshy Dáýlet Qabı (4-0, 3 KO) Ystambulda (Túrkııa) jekpe-jek ótkizip, jergilikti boksshy Serdar Shırınmen (5-3-1, 2 KO) kezdesti, dep jazady Sports.kz.

WBS (International Boxing Society) nusqasy boıynsha jartylaı aýyr salmaqtaǵy álem chempıony ataǵy úshin ótken jekpe-jek segiz raýndqa josparlanǵan bolatyn. Biraq Dáýlet Qabıdiń basymdyǵymen erte aıaqtaldy. Boksshynyń ózi Instagram paraqshasynda jekpe-jektiń eń jarqyn sátteriniń vıdeosyn jarııalady.

Aıta keteıik, 28 jastaǵy Dáýlet Qabı kásipqoı jekpe-jegin 2017 jyly bastap, aldyńǵy jekpe-jegin 2023 jyly tamyzda Qazanda (Reseı) ótkizip, jergilikti debıýtant Dmıtrıı Kýzındi nokaýtqa túsirgen bolatyn.

Posmotret etý pýblıkatsııý v Instagram

Pýblıkatsııa ot Daýlet Kabı (@daulet.kabi)