Qazaqstan boksshylary jastar arasyndaǵy halyqaralyq týrnırde ekinshi oryn aldy

Bakýde (Ázerbaıjan) ázerbaıjandyq boksshy Abbas Agalarovty eske alýǵa arnalǵan jasóspirimder arasyndaǵy halyqaralyq týrnır aıaqtaldy. Kazinform bul týraly Sports.kz saıtyna silteme jasap habarlaıdy. 

Týrnırge Ázerbaıjan, Reseı, Ózbekstan, Qazaqstan, Tájikstan, Saýd Arabııasy jáne Eýropalyq boks konfederatsııasynan (EUBC) 97 boksshy qatysty.

Týrnır qorytyndysy boıynsha Qazaqstan quramasy 16 medal (4 altyn, 5 kúmis, 7 qola) jeńip alyp, jalpykomandalyq esepte ekinshi oryn aldy. Ázerbaıjan quramasy 22 medalmen (5-4-13) birinshi orynǵa ıe boldy.

Týrnır qorytyndysy boıynsha úzdik bestik:

1. Ázerbaıjan – 22 (5-4-13)
2. Qazaqstan – 16 (4-5-7)
3. Tájikstan – 4 (2-1-1)
4. Ózbekstan – 5 (1-2-2)
5. Reseı – 3 (1-1-1)